Патриоттық тәрбие-отаншылдықтың кепілі

            Қазақстан Республикасының Тәуелсіздік күніне орай, Семей көлік колледжінде түрлі іс-шаралар өткізілді. Соның бірі-13 желтоқсанда колледждің әскери дайындық пәнінің оқытушысы Максұтхан Жұмашұлының ұйымдастыруымен өткен, қаланың 14 колледжінің 5 қатысушыдан тұратын командалары қатысқан қалалық әскери-спорттық жарыс.

         Байрақты бәсеке  салтанатты түрде Қазақстан Республикасының Әнұранымен ашылды. Одан кейін колледж директоры Шаған Манапұлы Жұмақсанов құттықау сөз сөйлеп, жарысқа қатысушыларға жеңіс тіледі. Осы жарысқа Семей қалалық  қорғаныс істер басқармасы басшысы подполковник Ж. Айтбаев және басқарма басшысының көмекшісі  К. Бердикенов,  әскери патриоттық клуб федерациясы төрағасы капитан С. Тусупов және қала колледждерінің алғашқы әскери дайындық пәні оқытушылары қадірлі қонақ ретінде шақырылды.

Семей көлік колледжі ұйымдастырып отырған бұл  жарыстың мақсаты – өскелең ұрпақты әскери қызметке дайындау және Қазақстан Қарулы Күштерін құрметтеуге, Отансүйгіштікке және азаматтыққа тәрбиелеу.

Қаланың 14 колледжінің студенттерінен құралған командалар бес түрлі әскери-спорттық сайыстан, атап айтар болсақ, автоматты шашып –жинау, пневматикалық мылтықтан ату, 16 келілік гңр тасын  кеудеден көтеру, жерден кеудені көтеру, кермеге тартылудан өз бақтарын сынады.      

         Әр жарыс түріне  арнайы тағайындалған төрешілер ешкімді бөліп-жармай, әділдікпен қазылық етті. Жарыс қорытындысы бойынша жалпыкомандалық  І -орынды Көлік колледжі, ІІ- орынды Электротехникалық колледжі, ІІІ- орынды «Көпсалалы колледжі» жеңіп алды.

         Біздің колледждің студенттері осы қалалық әскери-спорттық жарыста топ жарды. Нәтижесінде Владимир Ковган автоматты шашып –жинаудан І- орын, Жансұлтан Сағындықов  пневматикалық мылтықтан ату түрінен І—орын, Искандер Баймурин кермеге тартылудан  І-орын және Ермек Төреғазин 16 кг гірді кеудеден көтеру сайысында ІІ- орын  жеңіп алды.

Алған, жеткен биіктерге тоқмейілсімей, жеңіс тұғырынан үнемі көріну үшін біздің колледж студенттері жаңа биік белестерден көріне беретіндеріне сенімім мол.

          Өзім сабақ беретін Семей көлік оқытушылары әрбір студенттің бойында Отанға деген сезімін қалыптастырудың тиімді жолдарын  қарастыру мақсатында тәлімгерлік ізденістерін жалғастыра береді.

         Бұл орайда біздің  ендігі міндетіміз білім алып жатқан студент жастарға әскери-патриоттық тәрбие беруде жаңа, тың жұмыстарды қолға алу болып табылады.   

М. Жұмашұлы,

Алғашқы әскери дайындық пәні оқытушысы.